2026 жылғы 29 қыркүйекте 6 «Б» сынып оқушылары «Сыни ойлау — қауіпсіздік пен тұлға еркіндігінің негізі» тақырыбында өткен интерактивті тренингке қатысты. Құр теориямен шектелмей, оқушылар нағыз детективтердің рөлін сомдады: практикалық тапсырмалар мен өмірлік жағдаяттарды талдап, манипуляцияны дер кезінде байқауды, жасырын тұзақтарды анықтауды және дұрыс сұрақ қоя білуді үйренді. Мұндай формат оқушыларға ақпаратты сараптаудың, өз бетінше шешім қабылдаудың және өзгенің ықпалына ермеудің қаншалықты маңызды екенін тәжірибе жүзінде түсінуге мүмкіндік берді. Іс-шара «Қауіпсіз балалық шақ: кәмелетке толмағандар арасында діни экстремизм мен терроризмнің алдын алу» жобасы аясында өткізілді. Жобаны Қостанай облысы әкімдігінің білім басқармасының тапсырысы бойынша «Қостанай облысының психологтар қауымдастығы» ҚҚ жүзеге асыруда.
