2025 жылғы 30 сәуірде, кәсіптік бағдарлау жұмысы шеңберінде 9 «А» сынып оқушылары сынып жетекшісі А.Т.Габдуллина мен «IQOSTANAY» Оқушылар сарайында өткен «Жұмыс берушілер форумына» қатысты. Білім алушылар білім беру және технология саласындағы заманауи жетістіктермен танысты. Экскурсия аясында балалар Қостанай қаласының үздік колледждері мен оқу орындарының тұсаукесерлерін тамашалады. Колледж студенттері әзірлеген инновациялық жобалар ерекше назар аударды. Білім алушылар сұранысқа ие мамандықтар мен одан әрі оқу мүмкіндіктері туралы білді. Колледж өкілдері мамандарды даярлау бағыттары, қабылдау талаптары және тәжірибелік дайындықтар туралы айтты. Сондай - ақ, балалар оқытуда қолданылатын жоғары технологиялық жабдықтарды көрді. Бұдан басқа, оқушылар оқу орындарында жасалған өнімдерді - аспаздық бұйымдардан бастап техникалық әзірлемелерге дейін сынап көру мүмкіндігіне ие болды. Іс - шара оқушыларға болашақ кәсіби жолы туралы ойлануға мүмкіндік берді. Оқушылар сұрақтар қойып, түрлі мамандықтарға қызығушылық танытты. Экскурсия пайдалы тәжірибе және саналы түрде мамандық таңдауға қадам болып, қызықты және керемет атмосферада өтті.
2025 жылғы 26 сәуірінде, 8 - 9 сынып оқушылары Қостанай облысы әкімдігінің білім басқармасының «Қостанай автомобиль көлігі колледжі» МКҚК - да болды. «Ашық есік күні» аясында білім алушыларға: колледждің таныстырылымы, колледж бойынша экскурсиялар, зертханалар мен шеберханаларға, Allur кәсіби құзыреттілік орталығына бару, колледж әкімшілігімен кездесу ұсынылды.
