1 қыркүйек күні мектебімізде жаңа 2026–2027 оқу жылының басталуына
арналған салтанатты жиын өтті.
Іс-шараның негізгі тақырыбы – ұлы ағартушы, педагог және қоғам
қайраткері Ыбырай Алтынсариннің 185 жылдығына арналған «Ыбырайдың
қоңырауы – болашаққа өсиет» тақырыбы болды.
Мектеп директоры Татьяна Валентиновна Кандалина оқушыларды, ұстаздар мен
ата-аналарды жаңа оқу жылының басталуымен құттықтап, оқушыларға оқу
барысында биік жетістіктерге жетіп, жаңа білім игерулеріне, ал
педагогтерге шығармашылық шабыт, сабырлылық пен кәсіби табыс тіледі.
Ыбырай Алтынсариннің педагогикалық мұрасы бүгінгі күні де өзектілігін
жоғалтқан жоқ. Ол білімнің, еңбектің, ізгілік пен адамгершіліктің күшіне
сенді. Оның өнегелі ойлары мен идеялары өскелең ұрпақ үшін маңызды
бағыт-бағдар болып табылады.
Мерекелік жиында оқушыларға, ұстаздар мен ата-аналарға ізгі тілектер
айтылды. Ал бірінші сынып оқушылары үшін алғашқы қоңырау соғылып,
олардың білім әлеміне алғашқы қадамы басталды.
Салтанатты жиын аяқталғаннан кейін оқушылар сынып жетекшілерімен бірге
өздерінің алғашқы сабақтарына аттанды. Алғашқы сабақтар білімнің
маңыздылығы, азаматтық жауапкершілік, құндылықтар және білімге деген
ұмтылыс тақырыптарына арналды.
Жаңа оқу жылы жаңа білімдерге, жарқын жетістіктерге, қызықты жаңалықтар
мен игі істерге толы болсын! «Ыбырайдың қоңырауы» білімнің, дамуға деген
ұмтылыстың және жарқын болашақтың символы болып қала берсін!
